Óttaðust at fylgisveinur hjá Norðurkorea var ein rakett Óttaðust at fylgisveinur hjá Norðurkorea var ein rakett

Norðurkorea royndi seint í gjárkvøldið at senda ein eftirlitsfylgisvein út í rúmdina, men ætlanin miseydnaðist, eftir at lyftirakettin misti ferð, sum gjørdi, at fylgisveinurin datt niður í havið. Tað hevur landið upplýst sambært fronsku tíðindastovuni AFP gjøgnum norðurkoreansku ríkistíðindastovuna KCNA. – Tann nýsenda lyftirakettin hjá fylgisveinunum, »Chellima-1« datt niður í Gula Havi, tí hon misti ferð vegna ein feil í tveytrinsmotorinum, skrivaði KCNA. Avkláringin úr Norðurkorea skapar frið um hendingina, sum í fyrstu syftu fekk Japan til at geva borgarum boð um at fara í bumbuskýli, og sum í suðurkoreanska høvuðstaðnum, Soul, hoyrdust loftávaringar. Í fyrstu syftu varð hildið, at talan ikki var um ein fylgisvein, men um eina rakett. /ritzau/