Fríggjakvøldið spældu Silja G. Eystberg (myndin), Vár B. Zachariasen og liðfelagarnir í Ajax toppdyst móti Roskilde í næstbestu donsku hondbóltsdeildini.
Dysturin í Roskilde Kongres- & Idrætscenter endaði við 27-25 sigri til heimaliðið. Í steðginum var Ajax á odda 12-11.
Silja var við seks málum næstbesti málskjúttin hjá Ajax.
Ajax er næstfremst í deildini við 10 stigum. Roskilde er fremst við 12 stigum.
Rannvá Olsen og liðfelagarnir í Ejstrup/Hærvejen vunnu triðja dystin á rað.
Á heimavølli vann Ejstrup/Hærvejen 35-30 (16-14) á DHG. Rannvá var noterað fyri tvey mál.
Ejstrup/Hærvejen er nummar sjey í deildini við seks stigum.
