Tað hevur verið rættiliga nógv fólk í býnum ymsastaðni kring landið í góðveðrinum í nátt. Tað hava eisini verið fleiri stór tiltøk í nátt, á Toftum var bátastevna, í Vági var dansibandsfestivalur og í Havn høvdu tey ein dag á grynnuni, har tey varpaðu ljós á mat úr sjónum og krúnan á verkinum í tí sambandinum var, at eisini ein grind legði beinini í Sandagerði í gjár.
Men løgreglan sigur, at sum heild hevur tað verið rættiliga friðarligt. Tveir mans komu til ilnar á einum skeinkistaðið í Havn og har varð annar sligin so meint, at løgreglan viðger tað sum harðskap. Teir báðir menninir, og vitni, verða so avhoyrd nú.
Tá ið slík tiltøk eru, er rúsdrekka altíð uppi í, og løgreglan mátti ásanna, at tað eru ikki øll, sum duga sær hógv. Í hesum sambandi vórðu heili seks fólk tikin fyri rúsdrekkakoyring í gjár og í nátt. Tvey fólk vórðu tikin í Suðuroy, ein í Havn, ein norðanfyri, og í Eysturoy vórðu tveir mans tiknir fyri at koyra prutl við kenning.
