Hetta er fyrsta kappingarárið nakrantíð hjá liðnum hjá Paula Høj (myndin), Ova Lützen og liðfeløgunum í Bergsøy í bestu norsku hondbóltsdeildini, og tað merkist.
Enn hevur Bergsøy fyrsta stigið til góðar, og í dag gjørdist talan um triðja tapið í trimum dystum.
Í REM Arena í Fosnavåg tapti Bergsøy 36-39 fyri Sandefjord, ið var á odda 22-16 í steðginum.
Pauli skoraði trý mál og legði upp til eitt mál. Ovi skoraði eitt mál og legði upp til tvey mál.
Komandi sunnukvøld klokkan 18 hevur Bergsøy dyst á útivølli í Bergen móti Viking TIF.
