Verandi svensku meistararnir, Sävehof fingu eina góða byrjan í bestu svensku hondbóltsdeildini í dag.
Á útivølli eydnaðist tað liðnum hjá Óla Mittún og Ísaki Vedelsbøl at vinna 39-29 á Skånela. Í steðginum var Sävehof á odda 17-13.
Óli skoraði seks mál og Ísak skoraði eitt mál, ið gjørdist fyrsta málið hjá honum í bestu svensku hondbóltsdeildini. Sebastian Spante og Magnus Persson vóru toppskjúttar hjá Sävehof við sjey málum hvør.
Komandi fríggjakvøld klokkan 18 tekur Sävehof móti OV Helsingborg í Partille.
