Tíðliga seinnapartin spældi liðið hjá Poul Kallsberg, Hillerød dyst á útivølli í næstbestu donsku fótbóltsdeildini móti oddaliðnum, Hvidovre.

Hvidovre vann dystin 1-0. Sigursmálið var skotið beint undan steðginum.

Poul var á vøllinum seinastu 19 minuttirnar av dystinum, um vit telja yvirtíðina við.

Hillerød er næstaftast í deildini við níggju stigum. Teir hava fimm stig upp til Aarhus Fremad, ið er á sætta plássinum sum gevur atgongd til ovara endaspælið aftaná lokið grundspæl.

Leygardagin klokkan 12 hevur Hillerød dyst á heimavølli móti AaB.