info
Ongi úrslit

42 fráboðanir um ill­gruna um hjá­árin eftir koronu­kopp­seting

Av teimum 42 fráboðanunum úr Føroyum vórðu 18 skrásettar sum álvarsamar. Fimm fólk hava søkt um endurgjald. Trý hava fingið noktandi svar, og tvey mál eru framvegis opin.

Eirikur Lindenskov
18. november 2026 kl. 17:08

Danskir myndugleikar hava fingið 42 fráboðanir úr Føroyum um illgruna um hjáárin av koronukoppingarevninum Comirnaty hjá Pfizer og BioNTech. Tað upplýsir Eyðdis Hartmann Niclasen, landsstýriskvinna, í svari til Jenis av Rana, løgtingsmann, sum hevur sett 13 spurningar um koronukoppsetingarnar. Málið var til umrøðu í Løgtinginum í dag.

Síðani farið varð undir at koppseta 30. desember 2020, eru fleiri enn 100.000 koppsetingar framdar í Føroyum. Fram til august 2023 skuldu fráboðanir um møgulig hjáárin sendast donskum myndugleikum. Síðani hevur borið til at boða frá í Føroyum. Eingin fráboðan um møgulig hjáárin av koronukoppingarevninum var komin í føroysku skipanina, tá svarið varð skrivað 9. oktober.

18 fráboðanir skrásettar sum álvarsamar

Bæði borgarar og heilsustarvsfólk hava boðað frá. Av teimum 42 fráboðanunum vórðu 18 skrásettar sum álvarsamar. Ein fráboðan kann fáa ta flokkingina, um hon til dømis snýr seg um sjúkrahúsinnlegging, lívshóttandi sjúku ella andlát. Landsstýriskvinnan greiðir frá, at ein illgruni er nóg mikið til at senda eina fráboðan, og at tølini tí ikki staðfesta, at koppingarevnið elvdi til hendingarnar.

Ein av teimum 42 fráboðanunum snúði seg um eitt andlát hjá einum borgara, sum var 65 ár ella eldri. Landslæknin upplýsir eisini um tríggjar rættarlæknaligar líkskurðir eftir andlát stutt eftir koppseting. Í øllum trimum førunum var niðurstøðan, at álvarsom og varandi sjúka elvdi til andlátið. Kanningarnar staðfestu einki samband við koppsetingina.

Tvey endurgjaldsmál eru framvegis opin

Danska Patienterstatningen hevur fingið fimm umsóknir um endurgjald frá føroyskum sjúklingum, tveimum monnum og trimum kvinnum í aldrinum 30 til 50 ár. Trý mál eru avgreidd, og í øllum trimum førunum varð niðurstøðan, at sjúklingurin ikki hevði rætt til endurgjald. Hinar báðar umsóknirnar komu í 2026 og eru framvegis til viðgerðar.

Jenis av Rana spurdi eisini, um landsstýrið fer at taka stig til eina óhefta føroyska eftirmeting av koppsetingarátakinum. Landsstýriskvinnan svarar, at landsstýrið ikki arbeiðir við einari slíkari eftirmeting. Heldur eingin skipað langtíðaruppfylging er sett í verk fyri føroyingar, sum hava havt álvarsom ella drúgv heilsuárin eftir koppseting. Les alt svarið hjá landsstýriskvinnuni

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

7 tímar síðan

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Sosialurin hevur nú sítt egna »Tíðarrit«

15. november kl. 17:38

Hvør lutur verður gjørdur við stórum nærlagni

13. november kl. 08:07

Fleiri tíðindi

Tíðindi

Vivian Sjóðklett við barnasangi

12 minuttir síðan
Tíðindi

Nýggjur Á handil latin upp í Norðragøtu

1 tími síðan
Tíðindi

Spyr nær Suð­ur­oy­ar­tunn­il­in fær góð­kenning

1 tími síðan
Fótbóltur

VIDEO: Moldavar vísa ikki føroysku málmøguleikarnar

2 tímar síðan
Myndasøvn

Myndir: Tingfundur 18.11.26

2 tímar síðan
Tíðindi

AP: Trump og Put­in hitt­ast á fyrsta tví­parta­fundi síð­ani Alaska

2 tímar síðan
Tíðindi

Ókent ræðsluevni: Byrjaði at eta seg sjálvan

3 tímar síðan
Tíðindi

Xi tók ímóti Trump og hálsfevndi hann undan fundi við Putin

4 tímar síðan
Tíðindi

Nýggjar bøkur um Oyggjaleikir og norrønu gudarnar

4 tímar síðan
Tíðindi

Nýggjur fylgi­svein­ur vís­ir hit­an á landi og sjógvi í Vestur­avstralia

4 tímar síðan
Lesarabrøv

Sendimaður Petur Petersen: „Ísraelar ynskja bara frið inni hjá sær sjálvum“ – og onnur fake news

5 tímar síðan
Tíðindi

Norskur laksaútflytari á húsagang við milliónaskuld

5 tímar síðan