Evropeiska jarðareygleiðingarskipanin Copernicus hevur víst fyrstu hitamyndirnar frá nýggja fylgisveininum Sentinel-3C. Myndirnar vísa hitan á sjálvum yvirflatanum, bæði á landi og á sjógvi.
Mátitólið umborð skrásetur infráreyða geisling frá yvirflatuni. Út frá henni ber til at rokna hitan á lendinum og sjóvarflatuni. Slíkar mátingar kunnu brúkast til at fylgja við hitabylgjum og turki á landi og við broytingum í hitanum á sjónum.
Heldur fram við mátingum frá 2016
Sentinel-3C varð skotin upp 15. september úr Kourou í Fronsku Gujana. Hann er triði fylgisveinurin í Sentinel-3-røðini, sum hevur fylgt við havi, landi, ísi og lofthavi síðani 2016. Við nýggja fylgisveininum kann Copernicus halda fram við mátingunum og samanbera tær við eldri mátingar.
Umframt at máta hita hevur fylgisveinurin útgerð, sum mátar hæddina á sjóvarflatuni og á ísinum. Millum fyrstu mátingarnar, sum Evropeiska Rúmdarstovan almannakunngjørdi í oktober, vóru mátingar av hæddini á grønlendska innlandsísinum.