Stórar aldur brutu inn yvir strendurnar í Kalifornia sunnudagin 15. november. Sjógvur fløddi inn á vegir fram við strondini, og fleiri bryggjur vórðu stongdar av trygdarávum. Millum teirra vóru bryggjur í Ventura, Huntington Beach og San Diego.
Við San Francisco-víkina ávaraði amerikanska veðurtænastan um, at aldurnar kundu gerast upp í 10,7 metrar høgar, har tær brutu. Veðurtænastan ávaraði eisini um, at einstakar stórar aldur kundu skola langt niðan á strondina og draga fólk út á sjógv.
Í Capitola, sunnan fyri San Francisco, elvdu aldurnar til skaða á bryggjuna. Myndugleikarnir ávaraðu íbúgvar í láglendum økjum nær strondini um, at tað kundi gerast neyðugt at fara frá húsum.