info
Ongi úrslit

Meta at 90 milli­ard­ir verða hvít­vask­aðar ár­liga í Danmark

Danskar fyritøkur verða í vaksandi mun brúktar til at hvítvaska pengar, sambært einari nýggjari váðameting. Frágreiðingar um hvítvasking í Føroyum og Grønlandi eru á veg.

Eirikur Lindenskov
17. november 2026 kl. 15:16

Kriminell hvítvaska á leið 90 milliardir krónur um árið í Danmark. Tað metir danska Hvidvasksekretariatet í einari nýggjari frágreiðing, sambært Ritzau.

Hvítvasking er, tá pengar frá lógarbroti verða førdir inn í lógliga búskapin, so teir síggja út til at stava frá lógligum virksemi. Sambært frágreiðingini stava pengarnir serliga frá skatta- og MVG-sviki og rúsevnabrotsverkum.

Fyritøkur geva kriminellum fleiri møguleikar

Erik Modin, leiðari í Hvidvasksekretariatinum, sigur, at kriminell í vaksandi mun brúka fyritøkur til hvítvasking. Tað gevur teimum størri fíggjarliga megi og fleiri møguleikar. Samstundis økist vandin fyri, at advokatar, ognarmeklarar, grannskoðarar og aðrir ráðgevar verða misnýttir til endamálið.

Myndugleikarnir fáa bert kunnleika til ein part

Metingin er óviss og byggir á ein útrokningarhátt hjá ST. Við hesum útrokningarhátti verður mett, at upphæddin svarar til umleið 2,7 prosent av donsku bruttotjóðarframleiðsluni. Í fjør svaraði tað til knappar 83 milliardir krónur. Skattaundandráttur er ikki taldur við í metingini hjá ST, og tá mett verður um ta upphæddina, og hon verður løgd afturat, kemur samlaða metingin upp í umleið 90 milliardir krónur.

Seinastu tíggju árini hevur Hvidvasksekretariatið í miðal fingið fráboðanir um illgruna um hvítvasking fyri 50 milliardir krónur um árið. Stovnurin metir tí, at ein partur av hvítvaskingini ongantíð kemur til kunnleika hjá myndugleikunum.

Danska løgreglueindin National enhed for Særlig Kriminalitet (NSK) upplýsir, at hon eisini fer at gera frágreiðingar um hvítvasking í Føroyum og Grønlandi.
Ritzau

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Herurin heitir á íbúgvar í Lettlandi um at søkja sær skjól

10. november kl. 22:37

Nøkur orð um skyldmannin Allan Enghamar

Í gjár kl. 17:35

Sosialurin hevur nú sítt egna »Tíðarrit«

Í gjár kl. 17:38

Nýggj nevnd í Læknafelag Føroya

11. november kl. 13:05

Fyrrverandi NSÍ venjari er deyður

14. november kl. 17:37

Fleiri tíðindi

Tíðindi

26 grøn­lend­ing­ar krevja 3,25 milli­ónir frá danska statinum

1 tími síðan
Tíðindi

Borgarafundur við Gjógv í morgin

1 tími síðan
Tíðindi

Ákæruvaldið kært úrskurðin í Bakkafrostmálinum

2 tímar síðan
Tíðindi

Ráðstevna um rottutýning

2 tímar síðan
Tíðindi

Umboðsmaður: Vitlíki kann gera klagur tyngri at viðgera

2 tímar síðan
Tíðindi

Nú er økið mest sum liðugt

2 tímar síðan
Tíðindi

Trump er komin á Asean-toppfund í Manila

3 tímar síðan
Tíðindi

Myndir: Bókadagar í Norðurlandahúsinum

4 tímar síðan
Tíðindi

Stórar aldur stongdu bryggjur í Kalifornia

4 tímar síðan
Tíðindi

Nýggj semja: Lønirnar hækka góð 10 prosent næstu trý árini

4 tímar síðan
Tíðindi

Krim-brúgvin rakt: Russland kallar inn til kreppufund

5 tímar síðan
Tíðindi

Skadd strikukota kann kosta tær pantið

5 tímar síðan