Amerikanski forsetin, Donald Trump, er komin til Manila, har hann í dag skal luttaka á einum toppfundi í samstarvsfelagsskapinum, Asean.
Vitjanin í Manila er tveir dagar fyri ætlaðu ferðina hjá amerikanska forsetanum til Kina.
Í Kina skal Donald Trump eftir ætlan bæði hitta russiska forsetan, Vladimir Putin og kinesiska forsetan, Xi Jinping.
Teir tríggir forsetarnir skulu hittast fyri ein sonevndan Apec-toppfund, sum verður í Shenzhen.
Shenzhen er ein stórbýur í syðra parti av Kina - neyvari í kinesiska landslutinum, Guangdong.
Asean er ein samstarvsfelagsskapur fyri suðurasiatisku londini, og Apec er ein búskaparligur samstarvsfelagsskapur millum lond við kyrrahavsstrondina.
Hetta vita útlendskir miðlar at siga fyrrapartin.