info
Ongi úrslit

Nýggj semja: Lønirnar hækka góð 10 prosent næstu trý árini

Kommunala Arbeiðsgevarafelagið og Føroya Arbeiðarafelag hava skrivað undir nýggjan trý ára sáttmála. Semjan tryggjar lønarhækkingar á tilsamans góð 10 prosent og hevur eisini broytingar við sær fyri dagrøktarar og álitisfólk.

Eirikur Lindenskov
17. november 2026 kl. 10:55

Kommunala Arbeiðsgevarafelagið og Føroya Arbeiðarafelag hava fyri løtu síðani skrivað undir nýggja trý ára sáttmálasemju.

Semjan er galdandi frá 1. oktober 2025 til 30. september 2028.

Sambært fráboðan frá Kommunala Arbeiðsgevarafelagnum verða lønirnar hækkaðar í trimum umførum.

Fyrsta hækkingin er 3,37 prosent og hevur gildi frá 1. oktober 2025.

Onnur hækkingin er 3,45 prosent frá 1. oktober 2026, og triðja hækkingin verður 3 prosent frá 1. oktober 2027.

Tilsamans merkja hækkingarnar, at mánaðarlønirnar vaksa góð 10 prosent í sáttmálaskeiðnum.

Broytingar fyri dagrøktarar

Partarnir hava eisini avtalað nýggjar reglur fyri dagrøktarar, sum hava trý børn undir tvey ár í ansing.

Í slíkum førum skulu børnini frameftir telja við 33,3 prosentum sambært nýggju ásetingini.

Harumframt verður eftirlønarskipanin hjá dagrøktarum dagførd.

Frá 1. oktober 2027 skal eftirløn gjaldast av allari lønini hjá dagrøktarum. Hetta er ein broyting í mun til verandi skipan.

Álitisfólk fáa samsýning

Ein onnur broyting í sáttmálanum er, at álitisfólk frameftir fáa serliga samsýning.

Frá 1. januar 2027 verða álitisfólk samsýnd við einari upphædd, sum svarar til eitt lønarstig.

Tað upplýsir Per Martin Gregersen, formaður í Kommunala Arbeiðsgevarafelagnum, í fráboðan um nýggju semjuna.

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Herurin heitir á íbúgvar í Lettlandi um at søkja sær skjól

10. november kl. 22:37

Løgmaður takkað nei til at hitta Zelenskyj

10. november kl. 13:35

Nøkur orð um skyldmannin Allan Enghamar

Í gjár kl. 17:35

Sosialurin hevur nú sítt egna »Tíðarrit«

Í gjár kl. 17:38

Nýggj nevnd í Læknafelag Føroya

11. november kl. 13:05

Fleiri tíðindi

Tíðindi

Krim-brúgvin rakt: Russland kallar inn til kreppufund

46 minuttir síðan
Tíðindi

Skadd strikukota kann kosta tær pantið

57 minuttir síðan
Tíðindi

Samgongan í Grønlandi tódnað úr fýra flokkum í tveir

1 tími síðan
Tíðindi

Landsbankin skal greiða frá penga­streymi úr Føroyum

2 tímar síðan
Tíðindi

Nýggj lóg skal tryggja føroyingum rætt til endurvenjing

2 tímar síðan
Tíðindi

Ukraina hevur aftur lopið á Kertsj-brúnna

3 tímar síðan
Tíðindi

Maður datt góðar tríggjar metrar av stilladsi í Klaksvík

3 tímar síðan
Fótbóltur

Nations League: Týskland vann stórsigur á Niðurlondum

12 tímar síðan
Tíðindi

Føroyskt ræði á løgregluni til aðru viðgerð

12 tímar síðan
Tíðindi

- Vit gjørdu ov lítið fyri at hjálpa og stuðla Ukraina

13 tímar síðan
Bilar

Tesla fer at byggja sjálv­koyr­andi bil­ar í Týsk­landi

13 tímar síðan
Fótbóltur

Thomas Frank tek­ur við botn­lið­num í Premier League

14 tímar síðan