Nú er spenningurin í ovara endaspælinum í Meistaradeildini hjá kvinnum væl minni.

KÍ vann oddadystin móti HB við Djúpumýru í Klaksvík í toppdystinum, ið byrjaði klokkan 12.30.

Birita Ryan (myndin) skoraði sigursmálið í 32. minutti.

Sambært dystir.fo hevði KÍ átta royndir innanfyri málrammurnar, meðan HB hevði tvær.

Komandi leygarkvøld spæla KÍ og HB steypafinalu á Tórsvølli.

Undir Mýruhjalla vann Skála ÍF stórsigur 4-2 á Víkingi. Í steðginum var støðan 2-0.

KÍ er nú greitt oddalið við 46 stigum. HB hevur 41 stig. Víkingur hevur 27 stig, meðan Skála ÍF er aftast við 14 stigum.

Fýra leikumfør eru eftir at leika í ovara endaspælinum, og ringt er at síggja, at KÍ fer at missa oddasessin.

KÍ-HB 1-0 (1-0)

1-0 Birita Ryan (32.)

Skála ÍF-Víkingur 4-2 (2-0)

1-0 Arnfríð Jacobsen, br. (22.)

2-0 Birna Mikkelsen (43.)

3-0 Birna Mikkelsen (51.)

4-0 Sunvá Fagradal (63.)

4-1 Sára V. Justinussen (80.)

4-2 Hjørdis Rasmusdóttir (90.)

Kelda: dystir.fo