USA-forsetin sigur hetta undir eini vitjan í Írlandi sunnudagin, upplýsir tíðindastovan AFP.

– Lat hann bara fara eftir málum, men ikki diesel, tí tað skapar trot á diesel, segði Trump við tíðindafólk.

Hann vísir aftur, at støðan í Miðeystri er orsøkin til trotið.

– Tað hendir ikki orsakað av Miðeystri. Tað hendir orsakað av tí, sum fer fram millum Russland og Ukraina, segði Trump.

Boðini frá amerikanska forsetanum koma eftir, at Ukraina í seinastuni fleiri ferðir hevur framt langdrigin álop á russisk oljureinsiverk. Serliga hevur ukrainski herurin miðað eftir russiska olju- og gassídnaðinum.

Álopini hava sambært Ritzau elvt til týðuglit trot á brennievni í stórum pørtum av Russlandi. Russiska stjórnin setti tí í juli avmarkingar á útflutningin av diesel.

Eisini stóra russiska nethandilsfyritøkan Wildberries hevur verið fyri fleiri álopum.

Ukrainska stjórnin heldur fast við, at olju- og gassídnaðurin og aðrar stórar russiskar fyritøkur eru við til at fíggja kríggið hjá Vladimir Putin forseta móti Ukraina.

Russland hevur samstundis hert álopini á Ukraina við bæði dronum og ballistiskum rakettum.