Tríggir dystir vóru leiktir í Burn mansdeildini í dag.

Í høllini í Kollafirði tók KÍF móti Neistanum.

Neistin vann dystin 24-20. Í steðginum var KÍF á odda 11-10.

Tá seks minuttir vóru eftir var støðan 20-19 til Neistan. Seinastu minuttirnar var Neistin kaldari og kundi tryggjað sær ein góðan sigur í Kollafirði.

Rasmus Søby var toppskjútti hjá KÍF við sjey málum. Rói Haldansen og Ari Arnason vóru toppskjúttar hjá Neistanum við fimm málum hvør.

Í Vestmanna vann VÍF greiðan 38-30 sigur á StÍF. Í steðginum var VÍF á odda 21-14.

Filip Jojic var aftur stórskjútti hjá VÍF í dag. Hesaferð við 14 málum. Kasper Sommer var toppskjútti hjá StÍF við átta málum.

Í Badmintonhøllini í Klaksvík vann Kyndil stórsigur 29-18 á Team Klaksvík. Í steðginum var Kyndil á odda 13-10.

Brian Slyne var toppskjútti hjá Team Klaksvík við seks málum. Ovi Lützen var toppskjútti hjá Kyndli við sjey málum.

HER er dómaraseðilin hjá HSF frá dystinum KÍF-Neistin 20-24 (11-10)

HER er dómaraseðilin hjá HSF frá dystinum VÍF-StÍF 38-30 (21-14)

HER er dómaraseðilin hjá HSF frá dystinum Team Klaksvík-Kyndil 18-29 (10-13)