Jóhan á Plógv Hansen og liðfelagarnir í Skanderborg-Aarhus eru bert eitt stig frá oddinum í bestu donsku hondbóltsdeildini.

Í dag tóku Jóhan og liðfelagarnir móti liðnum hjá Magnusi Árasyni, Mors-Thy í FREJA Arena í Skanderborg. Skanderborg vann greiðan 38-29 sigur aftaná 16-14 leiðslu í steðginum.

Jóhan skoraði fýra mál upp á seks málroyndir og legði upp til eitt mál. Magnus fekk ein málmøguleika, og hann setti hann í netið.

Skanderborg-Aarhus er fjórðfremst í deildini við 10 stigum fyri sjey dystir. Mors-Thy er nummar níggju við seks stigum.

Pauli Rasmussen, Jákup Egholm og liðfelagarnir í TMS Ringsted tóku í Spar Nord Arena móti verandi meistarunum, Aalborg.

Ringsted slapp heiðurliga frá stóru uppgávuni við 30-36 tapi. Í steðginum var gleimur í Slagelse, tí tá var heimaliðið á odda 17-16.

Pauli var effektivur. Hann skoraði trý mál upp á tríggjar málroyndir.

Ringsted er aftast í deildini við bert einum stigi.

Mánadagin klokkan 17.30 verður toppuppgerð í Esbjerg millum Ribe-Esbjerg og liðið hjá Óla Mittún, GOG.