Tað er ein vika í dag, síðan fýra ferðamenn - ella turistar, sum onkur vildi sagt - leigaðu sær ein bát í Noregi til ein fiskitúr.

Teir vóru partur av einum ferðalagi úr Kekkia sum taldi átta, tá ferðalagið kom til Noregs.

Tá teir fýra menninir ikki vóru komnir til lands aftur, tá kvøldið kom, varð leiting sett í verk, og nú ein vikan er umliðin, hevur aftur verið leitað við dronum í dag.

Sama kvøld, sum teir fýra vórðu saknaðir, varð báturin, sum teir høvdu verið í, funnin holvdur, og ein av monnunum varð funnin druknaður.

Eingin av hinum trimum er funnin, men norska løgreglan hevur mist alla vón um, at nakar kann vera á lívi nú.

Hugt hevur verið eftir, hvussu rákið var hetta kvøldið, teir fóru út at fiska, og síðan hevur verið leitað, bæði á sjógvi og landi, og leitaå hevur eisini verið við dronum fram við landi.

Men, higartil hevur øll leiting verið úrslitaleys.

Átaksleiðarin, Sindre Molnes, sigur við tv2.no, at ætlanin er at gera onkra roynd aftrat í vónini um at finna onkran av teimum saknaðu.

- Tað verður leitað meira, men hetta avhongur av ymiskum viðurskiftum, eitt nú veðri og vindi, sigur átaksleiðarin í dag.