Mansliðið hjá VÍF spældi í kvøld fyrra dystin í European Cup móti kroatiska liðnum, MRK Trogir. Báðir dystirnir vera leiktir niðri í Kroatia.
VÍF tapti fyrra dystin 20-25. Í steðginum var VÍF aftanfyri 7-13. Í seinna hálvleiki avrikaðu vestmenningar munandi betri, og vunnu teir seinna hálvleik 13-12.
Sambært hagtølunum skoraði VÍF upp á 20 av 34 málroyndum.
Sunnukvøldið klokkan 19 spælir VÍF seinna dystin móti Trogir.
Málskjúttar: Ivan Mrdalo 4/4, Filip Jojic 4/8, Fríði Holm í Innistovu 3/3, Tróndur Johnsson 3/5, Brandur Bjargarson 2/3, Óla Jákup Gaard Olsen 2/5, Mattias Joensen 1/1.
Bjargingar: Bjarni Jacobsen 3/21, Brandur Silvurstein 1/7.
