Løgreglan hevur ikki fingið fleiri fráboðanir um mannin, sum ringdi úr donskum telefonnummari og royndi at fáa føroyingar at lata sær viðkvæmar upplýsingar.
Maðurin kallaði seg Lars Tvede og segði seg ringja frá donsku og norsku løgregluni.
Fólk gjørdust tó illgrunasom og settu honum spurningar. Tá smekkaði hann hornið á.
Talan var ikki um kenda danska íleggjaran Lars Tvede, men um ein svikara, sum misnýtti navn hansara.
Løgreglan heitir á fólk um ongantíð at lata ókendum persónum persónligar upplýsingar, kortupplýsingar ella loynital um telefonina.
Les eisini: Løgreglan ávarar: Teldusníkar ringja úr donskum numrum
