Høvuðsvenjarin hjá NSÍ Sigurður Ragnar Eyjólfsson - Siggi Rag skrivar á facebookvanga sínum eina kensluborna dagføring um meistaraheitið hann og hansara leikarar í NSÍ fingu heim fyrradagin: - Hvat upplivdi tú í gjár, Siggi Raggi? – Eg sá fólk gráta gleðistár; Eg sá fleiri viðhaldsfólk koma á leikvøllin enn alt fólkatalið í okkara býi; Eg sá okkara áskoðarapláss fullsett 30 minuttir áðrenn dystarbyrjan; Eg sá gult og svart – stoltur, spentur og glaður; Eg sá trummur, bluss og fýrverkssýning; Eg sá børn finna fyrimyndir; Eg sá hetjur skriva undir autografar; Eg sá dreingir gerast menn; Eg sá ungar menn gerast meistarar; Eg sá minnir skapt, sum fara at vara eitt lív fyri eitt heilt samfelag; Eg sá hundraðtals fólk missa alla ró við seinasta bríksl, skunda sær á vøllin saman við mær, garrvill av hátíðarhaldi; Eg sá fólk fullkomiliga yvirtikin av teirra kenslum; Eg sá okkum detta afturum, bert fyri at berjast aftur og javna støðuna – júst sum sjálvt lívið. Eg sá alt okkara lið hava ein leiklut í tí útjavnandi málinum. Eg sá okkum náa einum máli, sum vit settu okkum saman fyri einum ári síðani, aftur í tíðini, tá eingin trúði uppá okkum. Eg havi verið vitni til eitt lið, sum ongantíð gevur upp – og varð lønt samsvarandi. Besta kappingarárið í søguni hjá NSÍ er nú veruleiki.
Hjartaliga til lukku, NSÍ! Saman standa vit sterk! Vit eru meistarar! Skrivar Siggi Rag í kenslubornu dagføringini.
Allir stóru íslendsku miðlarnir, Morgunblaðið, Vísir, RÚV og fótbólti.net umrøddu meistaraheitið hjá NSÍ.
