Ukrainski forsetin, Volodymyr Zelenskyj, sigur, at framgongd í samrøðunum millum Russland, Ukraina og USA er nógv tengd at, hvussu USA tosar við Russland.
Tað skrivar Reuters, sum endurgevur ukrainska forsetan.
Í gjár og í dag vóru samrøður millum partarnar í Abu Dhabi. Einki er sagt um ítøkilig úrslit frá fundunum - uttan tað, at fleiri fangar hjá báðum pørtum skulu leyslatast.
Í morgin sendir USA serligu sendimenninar, Jared Kushner og Steve Witkoff, til Russlands, har teir skulu hitta russiska forsetan, Vladimir Putin.
- Síðan fara sendimenninir til írska høvuðsstaðin Dublin at hitta ukrainska forsetan, Volodymyr Zelenskyj, vita útlendskar tíðindastovur at siga í kvøld.
