Tað var ein deild á muni, tá Kyndil 2 og VÍF spældu dyst í innleiðandi bólki 1 í Faxe Kondi kappingini hjá monnum.

Dysturin í høllini á Hálsi Suður endaði við stórsigri 44-26 til VÍF, ið var á odda 20-11 í steðginum.

Rógvi Dal Christiansen var við níggju málum toppskjútti hjá heimaliðnum. Toppskjútti hjá VÍF við 12 málum var Hallur Arason (myndin).

VÍF er fremst í bólkinum við trimum stigum fyri tveir dystir. H71 hevur tvey stig fyri ein dyst og Kyndil 2 hevur tvey stig fyri tveir dystir. Neistin hevur eitt stig fyri ein dyst, og EB er aftast við ongum stigi aftaná tveir leiktar dystir.

HER ber til frá HSF at síggja dómaraseðilin frá dystinum millum Kyndil 2 og VÍF: