Russiski diplomaturin í USA, Aleksandr Nikititsj Dartsjiev, er brádliga deyður í Moskva, 66 ára gamal.

Tað veit russiska tíðindastovan Tass at siga í dag, og her verður víst til russiska uttanríkisráðið, sum sigur, at maðurin doyði hin 11. november.

Russiskir myndugleikar hava einki sagt um deyðsorsøkina - uttan tað, at Aleksandr Nikititsj Dartsjiev skal hava verið sjúkur leingi.

Einki verður tó sagt um, hvørjar heilsutrupulleikar diplomaturin skal hava drigist við.

Talsfólkið hjá russiska uttanríkisráðnum, Maria Zakharova, skrivar á Telegram, at diplomaturin doyði eftir at hava verið sjúkur leingi.

Sambært keldu, sum CNN hevur skift orð við, fór russiski diplomaturin av russisku sendistovuni í Washington til Moskva, har hann fekk viðgerð fyri sjúku.