Týskvøldið eydnaðist tað Teis Horn Rasmussen og liðfeløgunum í TTH Holstebro at vinna annan dystin á rað í innleiðandi bólki F í EHF European League.
Á heimavølli vann Holstebro tepran 32-31 sigur á portugisiska liðnum, Benfica. Í steðginum var støðan javnleikur 15-15.
Teis fekk tríggjar málmøguleikar, og hann setti allar tríggjar í netið.
TTH Holstebro og Torrelavega eru fremst í bólkinum við fýra stigum hvør. Benfica og Karviná hava einki stig.
