Í øðrum dystinum í innleiðandi bólki H í EHF European League vóru Bjarni í Selvindi, Allan Norðberg og liðfelagarnir í Vali fyri tapi.
Í Slovenia tapti Valur 29-34 fyri Slovan Ljubljana. Valur rann aftaná í fyrra hálvleiki, og í steðginum var heimaliðið á odda 20-12.
Bjarni skoraði seks mál upp á átta málroyndir, og hann legði eisini upp til seks mál. Allan skoraði tvey mál upp á tvær málroyndir.
Liðið hjá Magnusi Árasyni, Mors-Thy vann í sama bólki á heimavølli 35-33 (20-16) á ungarska liðnum, Tatabanya.
Aftaná tvey umfør hevur Slovan Ljubljana fýra stig, meðan Valur og Mors-Thy hava tvey stig hvør. Tatabanya hevur einki stig.
