Hanus Sørensen var á vøllinum allan dystin, tá hann og liðfelagarnir í NK Aluminij Kidričevo í dysti í bestu slovensku fótbóltsdeildini møttu Nafta á Športni park leikvøllinum í Lendava.

Dysturin endaði við javnleiki 0-0.

Aluminij er nummar sjey í deildini við 14 stigum. Teir hava fimm stig upp til triðja plássið, ið gevur atgongd til Conference League aftaná lokna kapping.

Longu leygardagin klokkan 17 hevur Aluminij dyst á heimavølli móti Radomlje.