Mette Frederiksen, forsætisráðfrú, tekur í dag ímóti ukrainska forsetanum í Keypmannahavn.

Á skránni eru politiskir fundir og ein samrøða á Københavns Universitet, har TV 2-journalisturin Rasmus Tantholdt leiðir prátið við Zelenskyj og Frederiksen.

Í samrøðuni varð millum annað umrøtt, hvussu Evropa skal verða umboðað í møguligum samráðingum um vápnahvíld og frið í Ukraina.

Spurd, um hon sjálv vil vera røddin hjá Evropa, svaraði Mette Frederiksen nei.

– Eg eri vónandi ein partur av røddini hjá Evropa. Men stovnar okkara skulu standa í miðdeplinum í tí arbeiðinum, segði hon sambært Ritzau.

Í kvøld er arbeiðsdøgurði við norðurlendskum ríkis- og stjórnarleiðarum á Marienborg á skránni. Mikudagin skal Zelenskyj halda røðu í fólkatingssalinum.