Týskvøldið vunnu Víkingur og NSÍ. Víkingur vann 4-1 ímóti B36 í Gundadali, og NSÍ vann 3-2 á heimavølli ímóti B36. Nú klokkan 17 hittast Víkingur og NSÍ í Sarpugerði.

Jóhan Petur Poulsen venjari hjá Víkingi hevur skift fýra spælarar út síðani týskvøldið. Nýggir á liðnum eru Arnbjørn Svensson, sum var leikbannaður týskvøldið, Signar á Brúnni, Árni Nóa Atlason og Finnur Justinussen. Teir avloysa Ara Olsen, Bergur Grgersen, Jørgen Nielsen og spælskiparan Géza Dávid Turi, sum als ikki er á listanum.

Hjá NSÍ hevur Jens Wedeborg gjørt tvær broytingar. Búi Egilsson er leikbannaður, og vongverjin í vinstru Viktor Agardius er ikki á listanum í dag. Hann varð skiftur út fimm minuttir undan leikloki ímóti HB.

Nýggir millum teir fyrstu ellivu eru Jasper Van Der Heyden og Aron Knudsen.