Seinnapartin mánadagin fór føroyska manslandsliðið undir fyrireikingarnar til UEFA Nations League dystirnar móti Kasakstan, Moldova og Slovakia.

Men tað verður tó uttan Páll Andrasson Klettskarð. KÍ-áleyparin hevur ein minni skaða at dragast við og hevur tí verið noyddur at geva avboð til landsliðsuppgávurnar, ið hesaferð standa fyri framman.

Í hansara stað hevur landsliðsvenjarin, Eyðun Klakstein úttikið Jørgen Nielsen úr Víkingi.

Føroyar skulu spæla fýra UEFA Nations League-dystir í tíðarskeiðnum frá 26. septembur til 6. oktobur. Fyrsti dystur er á Tórsvølli móti Kasakstan leygardagin 26. septembur, áðrenn føroyska liðið fer til Moldova, har spælt verður 29. septembur.

Síðani kemur Slovakia á vitjan á Tórsvølli 2. oktobur, og seinasti dysturin í hesum umfarinum verður á útivølli móti Kasakstan 6. oktobur.

Atgongumerki til heimadystirnar fáast til keyps í nethandlinum á FSF.fo og á atgongumerki.fo.