Fyrrverandi KÍ-venjarin Mikkjal Thomassen verður eftir øllum at døma nýggjur høvuðsvenjari hjá HB. Hann kemur við royndum úr bæði norskum og svenskum fótbólti.

Fyri 50 ára gamla venjaran er talan um at venda aftur til felagið, sum hann sjálvur spældi við í nítiárunum.

Mikkjal hevur drúgvar royndir sum venjari. Hann vann FM við B36 í 2011 og stóð síðan á odda fyri KÍ frá 2015 til 2022. Í Klaksvík vann hann trý føroyameistaraheiti og løgmanssteypið.

Eftir tíðina í KÍ fór hann til norska Fredrikstad, sum hann í 2023 førdi upp í bestu deildina. Summarið 2024 tók hann við svenska stórfelagnum AIK og førdi liðið á triðja pláss í Allsvenskan sama ár.

Hann varð loystur úr starvinum hjá AIK í januar í ár.

Meira verður at frætta.