info
Ongi úrslit
Kerts-brúgvin er longsta brúgv í Evropa, og hon er einasta jarnbreytarsamband, ið Russland hevur til Krim-hálvoynna, sum Russland tók frá Ukraina longu í 2014

Krim-brúgvin rakt: Russland kallar inn til kreppufund

- Eitt álop á Kerts-brúnna er eitt beinleiðis álop á russisku hersetingina av Krim-hálvoynni, og hetta kann gera tað trupult hjá Russlandi at varðveita hersetingina, sigur lærari við norska Krígsskúlan

Vilmund Jacobsen
17. november 2026 kl. 10:27

Norska kringvarpið NRK veit í morgun at siga, at Russland hevur kallað inn til kreppufundar, eftir at Kerts-brúgvin, sum bindur Russland og Krim saman, eftir øllum at døma hevur fingið stórar skaðar í ukrainskum álopum.

Brúgvin, sum hevur bæði tok-og bilaferðslu, er stongd.

Ukrainski forsetin, Volodymyr Zelenskyj, skrivar á X, fyrrverandi Twitter, at í dag síggja øll, hvat er hent við týdningarmesta hernaðarliga sambandinum hjá russum til ukrainskt landaøøki.

- Hetta er eitt svar upp á russisk álop, leggur ukrainski forsetin aftrat.

Myndir, sum síggjast á sosialum miðlum í morgun, vísa, at tann parturin av brúnni, sum hevur bilaferðslu, er í knúsi, men NRK sigur, at tað higartil ikki hevur eydnast teimum at fingið prógv fyri, at myndirnar eru rættar.

Kerts-brúgvin er longsta brúgv í Evropa, og hon er einasta jarnbreytarsamband, sum Russland hevur til Krim-hálvoynna, sum Russland tók frá Ukraina longu í 2014.

Sambært NRK vátta bæði russiskir og ukrainskir myndugleikar í morgun, at brúgvin hevur fingið skaðar í ukrainskum dronuálopum.

Øll ferðsla eftir brúnni er steðgað, og sambært Reuters og AFP hava russisku myndugleikarnir kallað inn til kreppufundar og siga, at álopið verður kannað sum yvirgangur.

Russland hevur afturvendandi lopið á undirstøðukervið í Ukraina, har eitt nú ukrainskar brúgvar eru álopnar, og seinastu tíðina hevur Russland eisini lopið á brúgvar í ukrainska høvuðsstaðnum, Kyiv.

Í Kyiv, sum stóra áin Dnipro rennur í gjøgnum, hava brúgvarnar stóran týdning fyri samferðslukervið, og brúgvarnar hava eisini stóran týdning fyri sivilu samferðsluna í høvuðsstaðnum.

- At leypa á brúgvar hevur fleiri endamál, og hetta skapar eisini stórar trupulleikar fyri eitt nú flutningi av hernaðarútgerð, veit NRK at siga.

Nú hevur so Ukraina svarað aftur við at leypa á Kerts-brúnna, sum er einasta toksamband, ið Russland hevur til hertiknu Krim-hálvoynna.

Palle Ydstebø, sum er á myndini omanfyri og sum starvast við norska Krígsskúlan, sigur, at russiska hermegin er bundin at jarnbreytarsambandinum um Kerts-brúnna, tí henda vegin fer stórur vápnaflutningur.

- Eitt álop á brúnna er tískil eitt beinleiðis álop á russisku hersetingina av Krim-hálvoynni, og hetta kann gera tað trupult hjá Russlandi at varðveita hersetingina av oynni, sigur lærarin við norska Krígsskúlan.

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Herurin heitir á íbúgvar í Lettlandi um at søkja sær skjól

10. november kl. 22:37

Løgmaður takkað nei til at hitta Zelenskyj

10. november kl. 13:35

Nøkur orð um skyldmannin Allan Enghamar

Í gjár kl. 17:35

Sosialurin hevur nú sítt egna »Tíðarrit«

Í gjár kl. 17:38

Nýggj nevnd í Læknafelag Føroya

11. november kl. 13:05

Fleiri tíðindi

Tíðindi

Nýggj semja: Lønirnar hækka góð 10 prosent næstu trý árini

18 minuttir síðan
Tíðindi

Skadd strikukota kann kosta tær pantið

57 minuttir síðan
Tíðindi

Samgongan í Grønlandi tódnað úr fýra flokkum í tveir

1 tími síðan
Tíðindi

Landsbankin skal greiða frá penga­streymi úr Føroyum

2 tímar síðan
Tíðindi

Nýggj lóg skal tryggja føroyingum rætt til endurvenjing

2 tímar síðan
Tíðindi

Ukraina hevur aftur lopið á Kertsj-brúnna

3 tímar síðan
Tíðindi

Maður datt góðar tríggjar metrar av stilladsi í Klaksvík

3 tímar síðan
Fótbóltur

Nations League: Týskland vann stórsigur á Niðurlondum

12 tímar síðan
Tíðindi

Føroyskt ræði á løgregluni til aðru viðgerð

12 tímar síðan
Tíðindi

- Vit gjørdu ov lítið fyri at hjálpa og stuðla Ukraina

13 tímar síðan
Bilar

Tesla fer at byggja sjálv­koyr­andi bil­ar í Týsk­landi

13 tímar síðan
Fótbóltur

Thomas Frank tek­ur við botn­lið­num í Premier League

14 tímar síðan