Klokkan 18.30 í kvøld byrjar fyrsti dysturin í 24. umfarinum í Meistaradeildini hjá monnum.

Á Dungasandi í Sørvági tekur 07 Vestur móti EB/Streymi.

R1 vísir dystin, og FM1 sigur beinleiðis frá dystinum.

07 Vestur er næstaftast í deildini við 19 stigum, meðan EB/Streymur er nummar seks við 26 stigum.

07 Vestur hevur vunnið tær báðar undanfarnu uppgerðirnar móti EB/Streymi í hesum kappingarárinum. 26. apríl vann 07 Vestur 2-0 við Margáir, og 7. august vann 07 Vestur 3-2 á Dungasandi.

Oddsini hjá altjóða veddingarfyritøkum, ið lata odds upp á dystin eru tó sera jøvn.

Oddsini upp á heimasigur til 07 Vestur liggja millum 2,35 og 2,70.

Oddsini upp á javnleik - eitt úrslit EB/Streymur betur kann liva við - liggja millum 3,10 og 3,60.

Oddsini upp á útisigur til EB/Streym liggja millum 2,28 og 2,61.

HER eru oddsini: