Tað sigur amerikanski forsetin Donald Trump eftir eina telefonsamrøðu við russiska forsetan Vladimir Putin.

Trump skrivaði á Truth Social, at russiska veitingin skal hjálpa til við at lækka dieselprísirnar, sum eru hækkaðir nógv seinastu tíðina.

Sambært Reuters eru dieselprísirnir farnir umleið 80 prosent upp, eftir at USA og Ísrael fóru í kríggj við Iran.

Fyri at gera russisku veitingina møguliga hevur amerikanska fíggjarmálaráðið fyribils linkað nøkur av revsitiltøkunum móti Russlandi.

Trump sigur, at hann væntar, at veitingin fer at fáa dieselprísirnar skjótt niður aftur.

Avtalan er merkisverd, tí USA annars hevur havt víðfevnd revsitiltøk móti russiskari orku og útflutningi síðani russisku innrásina í Ukraina.

Søgan er eisini viðkomandi fyri Føroyar, tí broytingar í altjóða dieselprísinum kunnu fáa beinleiðis ávirkan á fiskivinnu, farmavinnu og flutningskostnað.

Kelda: Reuters