Fríggjakvøldið spældu Tróndur Mikkelsen (myndin), Leivur Mortensen og liðfelagarnir í HF Karlskrona dyst á útivølli móti Malmö í bestu svensku hondbóltsdeildini.

Malmö vann dystin 34-30. Í steðginum var støðan javnleikur 17-17.

Tróndur skoraði trý mál upp á fimm málroyndir, og Leivur skoraði eitt mál upp á tríggjar málroyndir.

Karlskrona hevur tvey stig fyri fýra dystir, og teir eru í løtuni triðaftast í deildini.

Hóskvøldið klokkan 18 spæla landsliðsmálverjin, Pauli Jacobsen og liðfelagarnir í Skövde dyst á útivølli móti Helsingborg.