Óli Mittún og liðfelagarnir stóðu fyri einum framúr avriki í bestu donsku hondbóltsdeildini í dag.

Frammanfyri 3.100 áskoðarum í Arena Svendborg vann GOG stórsigur 39-27 á verandi meistarunum, Aalborg.

Í steðginum var GOG á odda 16-14.

Óli skoraði fýra mál upp á fimm málroyndir, legði upp til trý mál, og hann vann eisini liðnum tvey brotskøst.

GOG er einsamalt oddalið við 15 stigum. Teir eru fýra stig frammanfyri Aalborg. Ribe-Esbjerg er við 13 stigum næstfremst i deildini.

Teis Horn Rasmussen og liðfelagarnir í TTH Holstebro taptu á útivølli greitt 20-33 (10-15) fyri Fredericia. Teis skoraði eitt mál og vann liðnum eitt brotskast.

TTH Holstebro er nummar átta í deildini við sjey stigum.

Liðið hjá Magnusi Árasyni, Mors-Thy tapti á heimavølli 21-28 (8-13) fyri Nordsjællandi.

Mors-Thy er nummar 11 við seks stigum.