Landsliðsliðskiparin, Ásla Johannesen og liðfelagarnir í Piteå spældu sunnudagin dyst á heimavølli í bestu svensku fótbóltsdeildini móti høvuðsstaðarliðnum, AIK Stockholm.

Leingi sá út til, at dysturin fór at enda við javnleiki 0-0, men í 82. minutti eydnaðist tað útiliðnum at skjóta sigursmálið.

Piteå er nummar níggju í deildini við 22 stigum.

Komandi sunnudag klokkan 13 spælir Piteå dyst á útivølli móti Kristianstad.