Ein risastór makrelstyrja, sum var mett at viga heili 700 pund, endaði herfyri inni í einari alinót hjá Mowi í Noregi.

Hetta hendi fyri nøkrum døgum síðan í alibrúkinum, Skipningsdalen í Flekkefjord kommunu.

Eftir hendingina setti Mowi út gørn sambært galdandi reglum fyri at fáa fatur í laksi, sum var sloppin úr nótini.

Sambært kyst.no heldur Mowi ikki, at talan er um so nógvan laks, sum er rýmdur.,

Norska Fiskeridirektoratet hevur fylgt við gongdini í málinum.

Við heimasíðuna kyst.no sigur samskiftisleiðarin hjá Mowi, Morten Bertelsen, at tey løgdu til merkis, at ein makrelstyrka var komin inn í ta einu nótina í alibrúkinum.

- Makrelstyrjan varð skjótt fingin burtur aftur úr nótini av okkara starvsfólkum.

Hann sigur, at tey skjótt sóu, at hol var komið á nótina, og tí settu tey eisini út gørn, men her fingu tey ongan laks.

Morten Bertelsen sigur, at makrelstyrjan vigaði umleið 350 kilo - ella heili 700 pund!

Samskiftisleiðarin sigur við kyst.no, at fiskurin í alibrúkinum nú verður tikin, og miðalvektin á laksinum liggur um 5,4 kilo.

Einki verður sagt um, hvørt hetta er livandi vekt - ella kruvdur fiskur.