Liðið hjá landsliðsliðskiparanum, CSM Bukarest tók oddasessin í bestu rumensku hondbóltsdeildini við stórsigri á útivølli.
CSM Bukarest vann 33-13 á CSM Iasi, ið er næstaftast í deildini.
Pernille skoraði trý mál upp á triggjar málroyndir, og hon vann eisini liðnum eitt brotskast.
CSM Bukarest er fremst í deildini við 15 stigum fyri átta dystir. Gloria Bistrita er næstfremst við 14 stigum fyri sjey dystir.
Leygardagin klokkan 17 spælir CSM Bukarest dyst á útivølli í innleiðandi bólki A í Champions League móti franska liðnum, Brest Bretagne.
