Seinnapartin var føroyingauppgerð í næstbestu donsku hondbóltsdeildini hjá kvinnum.

Í Bavnehøj-høllini eydnaðist tað Silju G. Eystberg, Vár og Lív Zacharisen og liðfeløgunum í Ajax at vinna 36-31 á liðnum hjá Rannvá Olsen, Ejstrup/Hærvejen sum hevði vunnið fýra dystir á rað undan dagsins uppgerð. Í steðginum hevði Ajax tepra 17-16 leiðslu.

Silja skoraði fimm, Lív skoraði tvey og Vár skoraði eitt mál fyri heimaliðið. Rannvá skoraði eitt mál fyri útiliðið.

Ajax er næstfremst í deildini við 14 stigum. Ejstrup/Hærvejen er nummar átta við átta stigum.