info
Ongi úrslit

Sjóvar kommuna tekur 15,7 milliónir í lán til íløgur

Sjóvar kommuna ætlar at gera íløgur fyri nærum 27 milliónir krónur í 2027. Av hesum skulu 15,7 milliónir fíggjast við lántøku. Størsta einstaka verkætlanin er nýggja ítróttarhøllin á Strondum.

Eirikur Lindenskov
21. november 2026 kl. 13:45

Sjóvar kommuna hevur lagt fíggjarætlanina fyri 2027 fram, og hon ber brá av stórum fólkavøkstri og ætlanum um fleiri útbyggingar.

Kommunan ætlar at brúka 26,95 milliónir krónur til íløgur næsta ár.

Raksturin gevur eitt væntað avlop upp á 11,29 milliónir krónur, men tá íløgurnar eru tiknar við, verður hallið 15,66 milliónir krónur.

Hetta hallið verður eftir ætlan fíggjað við lántøku.

Nýggj ítróttarhøll á Strondum

Størsta einstaka verkætlanin hjá kommununi er nýggja ítróttarhøllin, sum skal byggjast sunnan fyri bygdahúsið á Strondum.

Høllin skal knýtast at bygdahúsinum, so bygningarnir saman kunnu gerast ein miðdepil fyri ítrótt, mentan og frítíðarlív.

Verkætlanin varð boðin út í oktober, og væntað verður, at tilboðini koma inn um mánaðarskiftið januar og februar 2027.

Kommunan hevur ikki enn kunngjørt endaligan byggikostnað.

Fleiri íbúðir og útstykkingar

Sjóvar kommuna vísir á, at hon sambært Hagstovuni hevur størsta fólkavøkstur í landinum.

Kommunan metir, at Eysturoyartunnilin hevur havt stóran týdning fyri vøksturin, samstundis sum arbeitt hevur verið við at útvega fleiri grundstykki.

Í 2027 verður peningur settur av til at gera verandi útstykkingar lidnar.

Eisini er øki sett av til eina størri íbúðarverkætlan, sum kommunan vónar kann byrja næsta ár.

Vinnuøkið á Hulki verður útbygt

Á Hulki verður arbeitt við at bøta um umstøðurnar hjá vinnuni.

Vegurin oman á Hulk er breiðkaður, og arbeiðið við at gera bryggjukant millum verandi bryggjur er komið væl áleiðis.

Hetta arbeiðið er tó seinkað orsakað av vantandi loyvum.

Peningur verður settur av í 2027 til at gera bryggjuarbeiðið liðugt.

Kommunan ætlar eisini at gera nýtt rusk- og endurnýtslupláss, umframt at gera ábøtur á Stranda skúla.

Barnafrádrátturin hækkar

Skattaprosentið verður óbroytt, 21 prosent.

Barnafrádrátturin hækkar hinvegin úr 8.000 upp í 9.000 krónur.

Kommunan væntar 87,76 milliónir krónur í inntøkum næsta ár, meðan rakstrarútreiðslurnar eru mettar til 72,09 milliónir krónur.

Harumframt eru 4,38 milliónir krónur settar av til rentur og rentustuðul.

Sambært fíggjarætlanini skulu 5,4 milliónir krónur gjaldast í avdráttum.

Sjóvar kommuna sigur, at ætlanin er at sameina stórar framtíðaríløgur við ein framhaldandi góðan kommunalan rakstur.

Mest lisið hesa vikuna

Landsstýrið black­list­ar 16 bygdi­r og bý­ir í Føroyum

18. november kl. 10:11

Svøríki: Byrjaði at eta seg sjálvan

18. november kl. 14:27

Eldur í á skipasmiðjuni á Skála

18. november kl. 18:14

Fyrrverandi NSÍ venjari er deyður

14. november kl. 17:37

Nøkur orð um skyldmannin Allan Enghamar

15. november kl. 17:35

Roykur rekur móti bygdini á Skála

18. november kl. 19:26

Fleiri tíðindi

Tíðindi

Nú kemur gongu­breyt fyri 1,4 milli­ón­ir í Trongis­vági

19 minuttir síðan
Tíðindi

Eldur í russiskum farmaskipi í Finsku Víkini eftir dronuálop

1 tími síðan
Tíðindi

Eivør verður høvuðs­navn á stór­ari tón­leika­stevnu í Íslandi

1 tími síðan
Tíðindi

Gravgangur eftir el­bil­um – SEV hev­ur ong­ar løði­støðir eftir

2 tímar síðan
Tíðindi

Russiskar rakettir komu inn á pólskt øki – NATO fordømir hendingina

2 tímar síðan
Tíðindi

Útleigarar kunnu fáa skatta­frá­drátt og sam­stund­is leiga út til Airbnb

3 tímar síðan
Tíðindi

Fyrsta gull heiðursmerki í 35 ár

4 tímar síðan
Tíðindi

Her liggja meira enn 2.000 flakar til at ala krækling

4 tímar síðan
Tíðindi

Ein svevur rúsin av sær eftir miðnámsveitslu í Gundadali

5 tímar síðan
Hondbóltur

VIDEO: Vilhelm fekk reyða kortið

5 tímar síðan
Tíðindi

Russiski sendiharrin í Svøríki kallaður inn til samrøðu

6 tímar síðan
Tíðindi

Tveir stórir sótu eftir um Borg keypti Sanda­vágs Timbur­handil

6 tímar síðan