- Hevur tú eitt hugskot um eina vøru, tænastu ella uppliving, sum kann verða viðkomandi fyri ferðavinnuna, so er at seta X í kalendaran!
Soleiðis siga tey í Visit North.
- Øll, sum hava eitt hugskot, stórt ella lítið, eru vælkomin at tekna seg til eitt prát við okkum við at skriva navn, og hvørjum øki viðkomandi er búsitandi í til [email protected]
Í Visit North verður sagt, at byrjað verður við einstaklingafundum við tey, sum hava áhuga at luttaka á íverksetaraskeiðnum.
- Á fundunum práta vit um hugskotini, hvat er ávegis, hvørjir spurningar eru - ella hvørjari serfrøðingaráðgeving tørvur er á fyri at koma víðari.
Íverksetaraprát verða hildin:
5. oktober í Hvannasundi frá kl. 15 og úteftir
7. oktober á Viðareiði frá kl. 15 og úteftir
19. oktober á Kalsoynni frá kl. 16 og úteftir
21. oktober í Kunoy frá kl. 15 og úteftir
26. oktober í Klaksvík frá kl. 15 og úteftir
- Fyri áhugað, sum eru búsitandi í Fugloy ella Svínoy, verður avtala gjørd við hvønn einstakan um tíð og stað fyri íverksetarapráti.
Og hjá Visit North verður lagt aftrat:
- Við støði í hesum verður eftirfylgjandi skipað fyri einum íverksetaradegi saman við Íverksetarahúsinum, har viðkomandi serfrøðingar verða knýttir at eftir tørvinum hjá luttakarunum.
At enda verður lagt aftrat, at endamálið er at geva luttakarunum ítøkiliga og viðkomandi ráðgeving fyri at stuðla undir, at hugskotini gerast til veruleika.
