- Sangglaðu tónleikararnir, sum eru heili 15 í tali, eru á konsertferð í Føroyum í næstu viku undir heitinum, “Fagra blóma”. Síðan 2009 hava Neighbours & Friends savnað túsundtals gestir til vælumtóktu summarkonsertirnar í Mariehaven.

Soleiðis verður sagt á heimasíðuni hjá Vestmanna kommunu í morgun, og her verður lagt aftrat:

- Nú verður høvið at uppliva og hoyra bólkin á føroyskum palli, har føroyski countrysangarin, Hallur Joensen, eisini verður við, umframt aðrir føroyingar.

Endabresturin á konsertferðini í Føroyum verður í Vestmanna kirkju sunnudagin 18. oktober klokkan 17.

- Harumframt fara tónleikararnir eisini at framføra á Grønanesheiminum fyrr um dagin, so búfólkini her eisini fáa hesa tónleikaligu uppliving.

- “Fagra blóma” verður ein konsert við góðum tónleiki, felagsskapi og nógvari lívsgleði, verður sagt úr Vestmanna.