Tey fólk hava latið lív og onnur eru særd í einum ukrainskum dronuálopi á Moskva-regiónina í nátt. Eldur kom eisini í eina vørugoymslu.

Tað sigur guvernørurin í regiónini sambært almennu russisku tíðindastovuni, Tass.

Í russiska verjumálaráðnum verður sagt, at russiski herurin hevur lopið á dátustøðir í fleiri ukrainskum býum í nátt, og her er tað russiska tíðindastovan, RIA, sum ber tíðindini.

Borgarstjórin í Moskva, Sergei ‌Sobyanin, sigur, at ukrainski herurin í nátt sendi 650 dronur eftir Moskva-regiónini.

Hetta skrivar borgarstjórin á boðtænastuni, Telegram, og tað er Reuters, sum endurgevur.

Sagt verður, at 105 ukrainskar dronur eru skotnar niður nærindis Moskva í nátt.

Ukrainska ávísin, Kyiv Independent, váttar eisini, at ukrainski herurin hevur framt eitt dronuálop á Moskva-regiónina í nátt.