Í kvøld klokkan 18 spælir føroyska U21-landsliðið á Tórsvølli tíggjunda og seinasta EM-undankappingardystin í bólki 3. Dysturin verður móti Íslandi.
Higartil hevur talan verið um stigamet við 12 stigum hjá U21-landsliðnum, og kann liðið betra um stigametið við javnleiki ella sigri í kvøld.
Ísland hevur 15 stig, og teir kunnu vinna seg til Play Off umfarið við einum sigri á Føroyum, um Frakland á heimavølli vinnur á Sveis. Sveis hevur 17 stig undan dystinum.
Tá Føroyar á útivølli vunnu 2-1 á Íslandi 4. september í fjør vóru tað núverandi A-landsliðsleikararnir, Áki D. Samuelsen og Mattias Hellisdal, ið syrgdu fyri málunum.
Ísland hevur eina greiða favorittstøðu til dystin í kvøld hjá altjóða veddingarfyritøkum, ið lata odds upp á dystin.
Oddsini upp á føroyskan heimasigur liggja millum 7,75 og 9,50.
Oddsini upp á javnleik liggja millum 4,60 og 5,33.
Oddsini upp á íslendskan útisigur liggja millum 1,25 og 1,34.
HER eru oddsini:
-
©
