Soleiðis skrivar Hotel Føroyar:

– Í øll hesi ár hevur Tummas verið ein trúfastur partur av okkara virksemi. Hjá nógvum av okkara gestum og starvsfólkum er hann vorðin eitt andlit og eitt eyðkenni fyri Hotel Føroyar – og enntá eitt eyðkenni fyri tænastuvinnuna í Føroyum.

Við sínum drúgvu royndum og stóra yrkiskunnleika innan tænastu hevur hann sett síni fingramerki á óteljandi upplivingar og tiltøk – bæði á Hotel Føroyum og runt um í landinum. Tá ið Tummas er til staðar, kenna gestirnir seg tryggar.

Dagurin varð hátíðarhildin við gávum, røðum og góðum mati.

– Góði Tummas. Takk! Takk fyri títt trúfesti, títt stóra arbeiði og allar tær óteljandi løturnar, tú hevur verið við til at skapa. Stórt tillukku við 35 ára starvsdegnum, skrivar arbeiðsplássið hjá Tummasi seinastu 35 árini, Hotel Føroyar.