Í EM-undankappingini í Ligu B hevði føroyska U19-landsliðið undan triðja og seinasta dystinum í bólki 1 móti Aserbadjan tapt 1-4 fyri Serbia og 0-1 fyri Montenegro.
Aserbadjan hevði tapt 0-4 fyri Serbia og 2-7 fyri Montenegro, og vóru vónirnar tí góðar, at Føroyar fóru at fáa úrtøku í dag. Okkara høvdu eisini eina lítla favorittstøðu hjá veddingarfyritøkunum.
Men Føroyar drógu svart. Aserbadjan vann dystin 2-0. Eitt korter var farið, tá Aserbadjan legði seg á odda, og klokkan vísti 67 minuttir, tá teir øktu til 2-0 við einum brotssparki.
Montenegro framdi eitt bragd í dag við at vinna 3-2 á serbisku vertunum.
Montenegro vinnur bólkin við níggju stigum. Serbia hevur seks stig, Aserbadjan trý stig, og Føroyar einki stig.
Fyrstu 11:
Tróndur Sjúrðarson
Silas Joensen
Dennis Anghel
Rasmus Helgason
Jógvan í Lon
Rósing Toyt
Sigurd Ulriksen
Djóni Sivertsen
John Ziska Joensen
Ezra Lukama
Markus Klein Danielsen
Eyka:
Nóa Klein Joensen
Eyðtór Joensen
Jóel Tróndargjógv
Jákup Kristiansson Poulsen
Dánial Mørkøre
Jógvan í Skála
Kelda: FSF