Aftur í kvøld gjørdu føroysku landsliðsleikararnir í norskum hondbólti um seg.
Helgi H. Hoydal var toppskjútti við níggju málum og Jónas G. Djurhuus og Tróndur Mikkelsen skutu seks mál hvør tá Viking Stavanger vann 36-30 á Viking TIF á heimavølli í dysti í uppflytingarbólkinum í næstbestu norsku hondbóltsdeildini.
Í steðginum var Viking á odda 19-15.
Viking Stavanger er oddalið í uppflytingarbólkinum við fýra stigum. Viking TIF hevur trý stig og Follo hevur tvey stig.
4. mai spælir Viking móti Follo á heimavøllli og 8. mai enda teir kappingini við útidysti móti Viking TIF.
Liðið sum vinnur uppflytingarbólkin flytur upp í bestu norsku hondbóltsdeildina.