info
Ongi úrslit

Amerikanarar hava dripið Al-Qaeda-leiðaran

Amerikanarar siga seg hava dripið al-Qaeda í einum dronuálopi, upplýsir amerikonsk embætiskelda fyri Reuters.

Eirikur Lindenskov
2. august 2022 kl. 00:51

Amerikanska fregnartænastan CIA hevur um vikuskiftið framt eitt »væleydnað« dronuálop ímóti einum »týdningarmiklum al-Qaeda-máli« í høvuðsstaðnum í Afganistan, Kabul.
Tað upplýsa amerikanskar embætiskeldur sambært tíðindastovuni AFP og Reuters.
Tað eru fyribils ongar almennar upplýsingar um, hvønn álopið varð framt ímóti.
Men ein delda í amerikonsku umsitingini upplýsir fyri Reuters, at málið fyri álopinum var leiðarin í al-Qaeda, Ayman al-Zawahiri. Hann verður hildin at verða dripin í álopinum, upplýsir keldan.
Ein talsmaður fyri Taliban-rørsluna, sum situr við valdið í Afganistan, váttar fyri Reuters, at ein íbúðarbygningur í Kabul sunnudagin var fyri einum dronuálopi.
Taliban fordømir álopið, og lýsir tað sum brot á »altjóða prinsipp«.
Tíðliga sunnumorgunin rungaði ljóða frá eini spreinging gjøgnum Kabul, hevur ein talsmaður fyri innanríkisráðið í Afganistan upplýst.
– Eitt hús í Sherpoor varð rakt av einum missili. Eingin doyði, tí húsið var tómt, sigur talsmaðurin Abdul Nafi Takor.
Amerikanski forsetin, Joe Biden, fer í nátt at úttala seg um tað, sum Hvítu Húsini kalla eina »væleydnaða antiyvirgangsoperatión«.
Ein kelda upplýsir fyri Reuters, at eingin sivil fólk doyðu í atsóknini.
USA hevur ongantíð dult fyri, at tey vilja drepa leiðaran í al-Qaeda, sum av USA verður lýst sum ein yvirgangsfelagsskapur.
Egytpin Ayman al-Zawahiri var í fleiri ár høgrahond hjá al-Qaedaleiðaranum Osama bin Laden, sum varð dripin í einum amerikonskum hernaðarátaki í 2011 í Pakistan.
Eftir drápið á bin Laden varð Ayman al-Zawahiri útnevndur sum nýggjur leiðari í al-Qaeda.
Al-Zawahiri verður lýstur sum sjefideologurin hjá islamska netverkinum.
Tann læknaútbúni al-Zawahiri var við til at samskipa álopini 11. september í 2001 í USA, tá fýra ferðafólkaflogfør vórðu rænd.
Tvey av flogførunum vórðu stýrd inn í tvíburatornini í World Trade Center í New York, meðan eitt datt niður við Pentagon og eitt annað datt niður á eini mørk í Philadelphia.
Tilsamans doyðu næstan 3.000 fólk.
/ritzau/

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Herurin heitir á íbúgvar í Lettlandi um at søkja sær skjól

10. november kl. 22:37

Aksel ger útlendskt øl dýrari

9. november kl. 23:20

Løgmaður takkað nei til at hitta Zelenskyj

10. november kl. 13:35

Sosialurin hevur nú sítt egna »Tíðarrit«

Í gjár kl. 17:38

Nýggj nevnd í Læknafelag Føroya

11. november kl. 13:05

Fleiri tíðindi

Fótbóltur

Thomas Frank tek­ur við botn­lið­num í Premier League

17 minuttir síðan
Tíðindi

Nýggjar samrøður millum Ukraina, USA og ES

44 minuttir síðan
Tíðindi

Altjóða da­gur móti harð­skapi móti kvinn­um

1 tími síðan
Tíðindi

38 lond eru ótrygg um kjarnorkutrygd í Ukraina

1 tími síðan
Fótbóltur

Myndir: Føroyar - Moldova

2 tímar síðan
Tíðindi

Løgmaður bið­ur um frá­greið­ing um fyrnda Bakka­frost-málið

2 tímar síðan
Tíðindi

Lions Club Tórshavn heldur 60 ára stovningardag

3 tímar síðan
Fótbóltur

Eyðun og hansara menn hava kós móti uppflyting

3 tímar síðan
Tíðindi

Her er tann nýggi James Bond

3 tímar síðan
Tíðindi

Myndir: Áki Samuelsen hevur lagt Føroyar á odda

4 tímar síðan
Tíðindi

Lærlingadagur í Tórshavnar kommunu

5 tímar síðan
Tíðindi

Rógvi Olavson vart ph.d.-ritgerð um kreppustýringina undir koronufarsóttini

5 tímar síðan