Donald Trump skrivar í dag á sínum egna miðli Truth Social, at eg hati Taylor Swift.
Tað ger hann eftir at amerikanska songkvinnan skrivaði á sosiala miðlinum Instagram, at hon stuðlar demokratiska valevninum til forsetavalið, Kamala Harris.
Swift boðaði frá hesum stutt eftir sjónvarpsdystin millum Trump og Harris fyrr í vikuni.
Heimsstjørnan Taylor Swift heitti á sínar 283 milliónir fylgjarar um at lesa alt tey kunnu um hugskotini hjá teimum báðum forsetavalevninum.
Swift sigur, at hon fer at atkvøða fyri demokratinum Harris, tí "hon stríðist fyri rættindum og málum, sum hava uppiborið at hava ein meistara."
- Eg haldi, at Harris er ein róligur, gávuríkur leiðari, og eg haldi, at vit kunnu náa so nógv meira í okkara landi, um vit lata okkum leiða av ró og ikki kaosi, skrivaði Taylor Swift.
Trump, sum er republikanari, segði eftir fráboðanina hjá Swift til Fox News, at sangarinnan "helst fer at rinda ein høgan prís fyri at taka støðu".
Taylor Swift er ein av størstu og mest ávirkandi mentanarpersónunum í USA, og hennara fráboðan verður fatað sum eitt týðandi slag fyri Kamala Harris.
Taylor Swift rósar eisini demokratiska varaforsetavalevninum Tim Walz, sum hon sigur í áratíggju hevur stríðst fyri "LGBTQ+ rættindum, barnsburðarviðgerð og rættindum hjá kvinnum til sín egna kropp".
Yvirskriftin á Instagram frá Taylor Swift er deild við eini mynd av sær sjálvari, har hon heldur í kettu. Hon skrivaði soleiðis: "Við kærleika og vón, Taylor Swift, barnleys kettudama".
Tað er eftir øllum at døma ein tilvísing til, at varaforsetavalevnið hjá Donald Trump, J.D. Vance, hevur kallað Kamala Harris fyri eina "barnleysa kettudamu".
/Ritzau/
