Tað er fult umfar í undankappingini í Suðuramerika í hesum døgum. Ein serligt hending var í dystunum millum Ekvador og Brasil, sum endaði við javnleiki 1-1.
Fyrst fingu liðini hvør sín mann útvístan eftir bara tjúgu minuttum. Síðani fekk málverjin hjá Brasil, Alisson Becker úr Premier League felagnum Liverpool, eisini reytt kort, tá hann sparkaði ein bólt vekk og endaði við at raka ein mótstøðuspælara í høvdið.
Tað enaði við VAR, og dómarin tók reyða kortið aftur og gav ístaðin gult kort. Í seinna hálvleiki var aftur galið, tá sami Alisson Becker leyp framav og boksaði bóltin vekk. Hann rendi eftirfylgjandi saman við einum spælara hjá Ekvador. Dómarin bríkslaði fyri brotssparki og gav Alisson Becker sítt seinna gula kort, og harvið reytt kort.
Aftur endaði tað við VAR, og aftur tók dómarin avgerðina aftur. Tað endaði 1-1. Bæði í málum og í reyðum kortum.
##med2##
